Nestes caberes hores, per tolos llaos, hai xente mui esmolecida polo del cartelo del Antroxu pa La Pola Ḷḷena (conceyu de Ḷḷena); equí, pal país de nueso. Emperu, ya de xuru, munchos de los que glayen ayures, nun reburdien res al fechu que la mayor organización corrupta d’Europa, ya mui probable nel mundiu enteru, sigan exerciendo funciones públiques ondequiera; toi falando de los «Gaviotos corruptus«.
Xulgaos ya condergaos como organización mafiosa pola ¿xusticia?; con milenta causes ya xuicios pendientes de facer; con caxes paraleles, lo que vien ser trabayar en «b» o con perres negres; cada di ye estrañu nun atopase con dalguna noticia, na que los «Gaviotos corruptus«, salen alredor del mundiu la corrupción; etc, etc, etc. Emperu naide nun reburdia d’eso, de que son una organización corrupta (muncho más grave qu’ún autónomu tea deldas cola alministración; muncho más grave qu’una muyer nun pueda pagar la hipoteca de la ca de so; muncho más grave que nun haber pagáu una multa de tráficu; muncho más grave que nun poder pagar el recibu de la lluz); nin tampocu naide nun reburdia de que’l cartelo del que falamos nun ta correutamente escritu, non por un paisanu/a de la cai, si non por una alministración oficial (la Ca’l Conceyu de Ḷḷena) que tien medios ya presones pa facer la torna, correutamente, de cualisquier cousa pa l’asturianu…
Ya pa ponelo pior, sobro tou los que más «saben» alrdedor d’esto, espardiendo p’acullá ya p’aculló, p’alantre ya p’atrás, la noticia al traviés del mediu que más noxu ya perceguera tien pa col asturianu ya pa con tou lo que tea alredor de la cultura asturiana: el putu «panfletu». Ya asina mos va a Asturies ya los asturianos, sofitando ya votando partidos políticos corruptos pa que mos xestionen ya, de pasu, mos roben; güei sociollistos, mañana «Gaviotos corruptus«, ya si eso, ya nun alcancen los votos, xoncemos otres fuerces con ellos. Llueu siguimos sintiendo dicir: claro, nun s’entiende. Tou’l di predicando, ya la corte enllena de xenticaya. Yo, demientres, a ver si pescancio daqué.